Zaldundegi Jatetxea Urnietan

Izenak berak adierazten duenez, zaldunen etxea dugu Zaldundegi, bertan hartzen baitzuten ostatu Errege Bidetik Urnietara iristen ziren zaldunek.

36ko gerraren aurretik "Estankoko jatetxea" ere deitzen zitzaion, Urnietako estankoari zegozkion lanak betetzen baitziren bertan.

1947. urtetik gaur egun arte, Garagorri familia arduratzen da jatetxearen jardueraz, eta sukaldaritza tradizional eta familiarra eskaintzen du. Bi jantoki ditu jatetxeak, 80 lagunentzako edukierarekin, eta jantokietako batek terrazarako irteera du. Minusbaliatuentzako sarbidea ere badu jatetxeak.